Yn dilyn diweddariadau i ganllawiau Llywodraeth Cymru, mae'r polisi dyrannu newydd wedi ei adolygu i sicrhau cydymffurfedd â'r gofynion diwygiedig.
Beth y mae hyn yn ei olygu?Mae canllawiau diweddaraf Llywodraeth Cymru yn cadarnhau y gall unrhyw un sy'n gymwys i gael tai cymdeithasol wneud cais i ymuno â'r gofrestr tai, ni waeth a oes ganddynt gysylltiad lleol ai peidio.
Fodd bynnag, er mwyn sicrhau bod ymgeiswyr sydd â chysylltiad lleol â Sir Benfro yn parhau i gael blaenoriaeth, bydd y rhai sydd â chysylltiad lleol wedi ei gadarnhau yn cael blaenoriaeth ychwanegol o dan y polisi dyrannu newydd. Bydd ymgeiswyr sydd â chysylltiad lleol wedi ei gadarnhau â Sir Benfro yn cael eu rhoi yn y band tai priodol a dyfernir blaenoriaeth cysylltiad preswyl ychwanegol iddynt.
Beth sy'n digwydd nawr?Mae adolygiad y polisi dyrannu a'r broses o ymgorffori canllawiau diweddaraf Llywodraeth Cymru wedi golygu bod angen newidiadau sylweddol i systemau technoleg gwybodaeth Cartrefi Dewisedig @ Sir Benfro. Yn anffodus, mae hyn wedi arwain at oedi wrth weithredu'r polisi newydd.
Mae'r Polisi Dyrannu newydd bellach wedi'i drefnu i gael ei gyflwyno ym mis Chwefror 2027. Fodd bynnag, mae'r gofrestr dai wedi ailagor i ymgeiswyr newydd o'r 28ain o Hydref 2026.
Bydd yr amser ychwanegol hwn yn caniatáu inni wneud y canlynol:
• Cwblhau'r newidiadau gofynnol o ran y system.
• Gweithredu gofynion y polisi sydd wedi eu diweddaru.
• Cysylltu ag ymgeiswyr nad ydynt wedi cwblhau'r broses ailymgeisio eto.
Ydyw. Hyd nes y bydd y polisi dyrannu newydd yn cael ei weithredu ym mis Chwefror 2027, bydd yr holl ddyrannu eiddo yn parhau i gael eu rheoli gan y tîm gosod tai ar sail dewis.
Ni fydd unrhyw hysbysebion eiddo wythnosol gan Cartrefi Dewisedig i ymgeiswyr gynnig ar eiddo sydd ar gael yn ystod y cyfnod hwn.
Bydd eiddo sydd ar gael yn cael eu dyrannu i ymgeiswyr yn seiliedig ar y canlynol:
• Y band tai uchaf.
• Y dyddiad cofrestru cynharaf o fewn y band hwnnw.
• Ardaloedd dewisedig yr ymgeisydd.
Bydd eiddo wedi eu haddasu yn parhau i gael eu dyrannu gan ddefnyddio'r un meini prawf i ymgeiswyr sydd wedi eu cofrestru ar gofrestr tai hygyrch Sir Benfro.
Cadwch eich ardaloedd dewisedig yn gyfredolGallwch ddiweddaru eich meysydd dewisedig drwy:
housing@pembrokeshire.gov.uk
01437 764551
Rhagor o fanylion
I gael rhagor o wybodaeth am y newidiadau sydd ar ddod, ewch i'n hadran Cwestiynau Cyffredin.